სკოლის ბაზაზე მასწავლებელთა პროფესიული განვითარების ჯგუფის კათედრებთან შეხვედრის მოკლე ჩანაწერის ფორმა

შეხვედრის თემა __ სწავლა-სწავლების ეფექტური სტრატეგიები

შეხვედრის თარიღი----10.04.2014 წ--------------

შეხვედის თემის მოკლე აღწერა და მონაწილეთა კომენტარები

წარმოდგენილი იყო პრეზენტაცია, რომელშიც აღწერილია სასწავლო  მეთოდები;  ვიმსჯელეთ, რამდენად საჭიროა მსგავსი კონკრეტული აქტივობების შეთავაზება პედაგოგებისათვის; დავგეგმეთ გაკვეთილების ჩატარება წარმოდგენილი აქტივობების გამოყენებით.  იზო სამუშია -- პრეზენტაცია წარმოადგენს ეფექტურ სასწავლო რესურს პედაგოგებისათვის;  მეტად მნიშვნელოვნად მიმაჩნია თითოეული აქტივობის პრაქტიკული განხორციელება; ეკატერინე ტარყაშვილი  -  ვფიქრობ, თვითგანვითარებაზე ორიენტირებული ყველა პედაგოგის სურვილი იქნება  შეასრულოს თითოეული  აქტივობა და ნახოს შედეგი; ნანა მორჩაძე -- ვისურვებდი, რომ პროფესიული განვითარების ჯგუფის წევრებმა თვითონ გვიჩვენონ როგორ იყენებენ ამ აქტივობებს. მანანა ბერაძე - მომწონს ამ ტიპის თანამშრომლობა. კარგი იქნება,რომ ხშირად შემოგბთავაზონ  მსგავსი პრეზენტაციები, ლალი ლომიძე  -- ყოვეთვის მხიბლავს  კონკრეტიკა. მიუხედავად იმისა, რომ  გაკვეთილებზე ეფექტურად ვიყენებ სხვადასხვა აქტივობებს, ეს პრეზენტაცია შემიძლია გამოვიყენო მაძიებლებთან მუშაობისთვის; რუსუდან მურცხვალაძე -მივესალმები პროფესიული განვითარების ჯგუფის ყველა აქტივობას და მიხარია, რომ ისინი გეგმავენ კოლეგებთან ურთიერთთანამშრომლობის გაღრმავებას.

ჯგუფის მიერ მიღებული გადაწყვეტილება განხილულ საკითხთან დაკავშირებით  და /ან   ახალი და მნიშვნელოვანი, სასარგებლო ინფორმაცია.

ქართული ენისა და ლიტერატურის მასწავლებელმა მარინე მამარდაშვილმა მე-8 კლასში ჩაატარა გაკვეთილი, რომელზეც უჩვენა კოლეგებს, თუ როგორ შეიძლება გამოვიყენოთ დისკუსია არგუმენტირებული ესეს სწავლებისას(თემა-"მამა შვილის საუკეთესო მასწავლებელია")

  სკოლის ბაზაზე მასწავლებელთა პროფესიული განვითარების ჯგუფის შეხვედრის მოკლე ჩანაწერის ფორმა

შეხვედრის თარიღი  _______26. 03 .2014 წელი_______________________

შეხვედრის თემა __ მასწავლებელთა ურთიერთთანამშრომლობის შესახებ ფილმის ჩვენება

შეხვედის თემის მოკლე აღწერა და მონაწილეთა კომენტარები

ვნახეთ ფილმი მასწავლებელთა ეფექტური ურთიერთთანამშრომლობის ფორმების შესახებ; მოვინიშნეთ პროტოკოლები; ვიმსჯელეთ, რამდენად საჭიროა მსგავსი კონკრეტული აქტივობების შეთავაზება პედაგოგებისათვის;  თანამშრომლობის წარმოდგენილი ფორმის შესაბამისად,  დავგეგმეთ გაკვეთილებზე ურთიერთდასწრება.  მარინე მამარდაშვილი -- ფილმი წარმოადგენს ეფექტურ სასწავლო რესურს პედაგოგებისათვის; დაკონკრეტებულია თითოეული აქტივობის განხორციელების გზები, მიზანი და მოსალოდნელი შედეგი. ვფიქრობ, თვითგანვითარებაზე ორიენტირებული ყველა პედაგოგის სურვილი იქნება  შეასრულოს თითოეული პროტოკოლის შესაბამისი აქტივობა.  დალი ოდიშარია --  თანამშრომლობის მრავალ ფორმას ვიყენებდით, მაგრამ ამ ფილმის  ნახვის  შემდეგ  მივხვდით, დაკონკრეტებული აქტივობის შეთავაზება მეტად ეფექტურად იმუშავებს  თანამშრომლობითი ურთიერთობების დასახვეწად  და წაახალისებს პედაგოგებს  იზრუნონ   თვითგანვითარებაზე. ნონა  ბეროშვილი  -- ფილმში  მოცემული  ურთიერთდასწრების   კონკრეტული   ფორმები  საინტერესოა  და  მნიშვნელოვანი  იქნება  პედაგოგთა  ურთიერთთანამშრომლობისათვის.  სასურველია,   ყველა  პედაგოგმა  ნახოს  ფილმი  და  იზრუნოს   თვითგანვითარებაზე   და   კოლეგებთან   თანამშრომლობის   გაღრმავებაზე. მარინა ტარუღიშვილი - ფილმით კიდევ ერთხელ ნათელი გახდა, რომ თანამშრომლობა ბევრს ნიშნავს გაკვეთილის დაგეგმვისა და მისი სწორად წარმართვისათვის, ასევე, მნიშვნელოვანია კოლეგების ურთიერთშეფასება,რაც გასათვალისწინებელია ყველა მასწავლებლის მიერ. მაკა კოპლატაძე - ფილმი ძალიან საინტერესო იყო და მისი ნახვის შემდეგ კიდევ ერთხელ დავრწმუნდი,რომ ურთიერთთანამშრომლობა და კოლეგების ურთერთშეფასება ძალიან მნიშვნელოვანია. მაია ლაზაშვილი  - ფილმის ნახვით კიდევ ერთხელ დავრწმუნდით, რომ თანაშრომლობა  თვითგანვითარების ერთ-ერთი ყველაზე მნიშვმელოვანი  ფორმაა. მასწავლებლები შეძლებენ იდეებისა და გამოცდილების გაზიარებას,რაც დადებითად აისახება სასწავლო პროცესზე. შორენა კუპრავა  -  ფილმის ნახვის შემდეგ გამიჩნდა სურვილი, მეც დავესწრო გაკვეთილებს კონკრეტული მიზნით, რადგან ამ ტიპის თანამშრომლობა უფრო ეფექტური იქნება, ვიდრე ზოგადი.

ჯგუფის მიერ მიღებული გადაწყვეტილება განხილულ საკითხთან დაკავშირებით  და /ან   ახალი და მნიშვნელოვანი, სასარგებლო ინფორმაცია.

·         ჯგუფის წევრებმა გადაწყვიტეს, დასწრებოდნენ ერთმანეთს გაკვეთილებზე თითოეული პროტოკოლის შესაბამისი აქტივობით,რათა პრაქტიკაში გამოეყენებინათ მიღებული ცოდნა.შემუშავდა დასწრების გრაფიკი შემდეგი კვირისთვის. ·         ჯგუფის წევრებმა გაიაზრეს,თუ როგორ უნდა გამოიყენონ აღნიშნული აქტივობა კოლეგების შეფასებისა და თვითშეფასებისათვის. ·         განიხილეს ფილმის ნახვის  შემდეგ შექმნილი რეკომენდაციების ვარიანტები. ·         იმსჯელეს იმ რისკებზე,რომელიც შეიძლება ახლდეს არამართებულ კომენტარებს.